Natural na lunas sa BULUTONG

Advertisement

Summer na. Uso na naman ang bulutong o chickenpox. Kilala sa medical term na varicella, ang chickenpox ay isang infection na kadalasang nakukuha ng mga batang nasa edad 5 hanggang 10 years old.

compiled photos via wikiHow / Natural Remedy Ideas / Pinterest

Kadalasan, ang bulutong ay nakukuha sa direct skin-to-skin contact o kaya naman ay sa pagbahing o pag-ubo ng taong nagkaroon na nito. Aabot ng 12-14 days bago lumabas ang mga sintomas nito. May pagkakataon ring sa loob lamang ng 10 pagkatapos mong ma-expose sa maysakit ay makita na rin ang sintomas sa iyo.

Sintomas ng Bulutong (chickenpox)

• Sore throat
• Panghihina
• Lagnat
• Makating rashes sa dibdib (pagkalipas ng 24 oras) at kakalat sa kamay, binti at ulo (pagkalipas ng 10 araw)
• Ang rashes ay lumalaki at nagkakaron ng tubig sa loob

Mga Natural na Lunas o mga dapat gawin kapag may Bulutong

1. Huwag kamutin upang hindi magsugat, maimpeksiyon o magpeklat
2. Lagyan ng gloves ang bata upang hindi makamot sa gabi habang natutulog
3. Gupitin ang mga kuko
4. Kung nangangati ang bulutong:
• Haluan ng baking soda o kaya naman ay purong oatmeal (hindi luto) ang tubig pampaligo
• Pahiran ng calamine lotion ang mga rashes
• Kumain ng mga pagkaing masabaw kung ikaw ay mayroong blisters sa loob ng bibig
• Pwede ring uminom ng antihistamine na gamot. NOTE: Siguraduhing ipakonsulta muna sa doktor ang anak bago painumin nito
5. Iiwas sa mataong lugar ang pasyenteng may bulutong upang hindi makahawa
6. Pagsuotin lamang ng maluluwag at cotton na damit ang pasyente

Maaari pa bang magkabulutong kapag nagkaron na nito dati?

Kung ang immune system ng pasyente ay hindi natanggal ang presensya ng chickenpox virus, ito ay maaaring matulog sa ating skin sensory nerve cell bodies. Isa sa limang nagkaroon na ng chickenpox ay posibleng magising o ma-reactivate ang virus pagkalipas ng ilang taon. Hindi rin sigurado ng mga eksperto kung ano ang nagiging sanhi ng pagkagising ng virus. Pero kadalasan, kapag nare-reactivate ang virus, ito ay naglalakbay sa sensory nerve patungo sa balat at nagiging dahilan ng pagkakaroon ng shingles.

Advertisement