10 Natural Na Pang-alis ng Kulugo (Warts)

Advertisement

Ang kulugo o warts ay maliit at magaspang na bukol na madalas tumutubo sa paa, kamay, mukha at iba pang parte ng katawan. Ito ay nakakahawa kapag nadikit ka sa mayroong kulugo o kaya naman ay paggamit ng mga gamit nila tulad ng sabon o tuwalya.


Kalimitan, ang kulugo ay tumatagal ng ilang buwan o kaya naman ay taon bago kusang mawala. Maaari rin itong bumalik sa balat.

HINDI totoong magkakaroon ng kulugo kapag naihian ng palaka. Ito ay matandang paniniwala na naipasa-pasa na lamang.


Iba't-ibang uri ng warts:

• Common warts - Kadalasang tumutubo sa kamay. Ito ay magaspang, hugis bilugan at kulay gray na may pagka-brown

• Plantar warts - Ito ay makikita sa talampakan, matigas at makapal ang itsura na may parang itim na batik. Sumasakit ito lalo na kapag naglalakad

• Flat warts - Ito ay maaaring tumubo sa mukha, braso at binti. Ito ay maliit, flat ang itsura at kulay dilaw, brown o may pagka-pink

• Filiform warts - Ito ay makikita sa mukha, kadalasan sa paligid ng bibig, ilong or baba. Kakulay lang ito ng balat ngunit mapapansin ang pagkakadikit-dikit nito

• Periungual warts - Ito ay tumutubo sa ilalim o paligid ng daliri sa kamay at paa

Kung ikaw ay nagkaroon ng kulugo, huwag mag-panic. Ito ang 10 natural na pang-alis ng kulugo (warts) na makakatulong sa iyo.

1. Maligamgam na tubig

• Ibabad ang warts sa maligamgam na tubig upang ito ay lumambot at mabilis gumaling. Lalabanan din nito ang impeksiyon at virus na dulot ng kondisyon
• Maaari ring lagyan ng white vinegar o asin ang tubig upang mas maging epektibo

2. Bawang

May antibacterial, antifungal at antiviral properties

• Magdikdik ng bawang 
• Ilagay ang katas sa kulugo
• Balutin ng malinis na tela
• Hayaan ng 20 minutos bago banlawang maigi ng tubig
• Gawin ito 2 beses araw-araw sa loob ng 1 linggo hanggang matanggal ang kulugo

3. Baking Soda

May antiseptic at anti-inflammatory properties

• Paghaluin ang 1 kutsaritang white vinegar at baking soda hanggang maging paste ito
• Itapal ang paste sa warts sa umaga at sa gabi 
• Gawin ito hanggang kusang matanggal ang kulugo

4. Apple Cider Vinegar

Mayroong antiviral, antifungal at antibacterial properties

• Paghaluin ang apple cider vinegar at tubig. Tantiyahin ang dami
• Gamit ang bulak, lagyan ang warts
• Balutin ng malinis na tela
• Gawin ng mga ilang linggo. Mapapansing mangingitim ang kulugo hanggang unti-unti itong matanggal

5. Aloe Vera

May anti-inflammatory properties

• Tanggalin ang gel sa loob ng dahon ng aloe vera
• Ilagay ang gel sa warts gamit ang bulak
• Balutin ng malinis na tela o tape upang masuportahan ang bulak
• Gawin 2 beses sa isang araw sa loob ng 2 linggo

6. Kalamansi o Lemon Juice

• Lagyan ng kalamansi o lemon juice ang warts
• Balutin ito ng hiniwang sibuyas
• Hayaan ng 30 minuto
• Gawin 1 beses kada araw sa loob ng 2-3 linggo

7. Balat ng Hilaw na Saging

May antioxidant properties

• Hiwain ang balat ng hilaw na saging
• Itapal sa warts at suportahan ng tape upang hindi matanggal
• Gawin ito bago matulog sa gabi upang mababad overnight
• Ulitin ang proseso hanggang matanggal ang kulugo

8. Hilaw na Papaya

May enzyme na natural na nagtatanggal ng dead tissue

• Hiwain ang balat ng papaya at kunin ang dagta nito
• Ihalo ang dagta sa konting tubig
• Ilagay ang mixture sa warts sa umaga at gabi
• Gawin ito hanggang matanggal ang kulugo

9. Pinya

May natural acids at enzymes na papatay sa kulugo

• Kuskusin o lagyan ng katas ng pinya ang warts 2-3 beses sa isang araw
• Gawin ito hanggang matanggal ang warts

10. Carrots

• Mag-grate ng carrots at lagyan ito ng olive oil upang maging paste
• Ilagay ito sa warts at ibabad ng 30 minutos
• Gawin ito 2 beses isang araw sa loob ng 2-3 linggo

Advertisement